dil main or to kiya rakha hai | Nasir Kazmi

dil main or to kiya rakha hai
tera dard chupa rakha hai

itne dukhon ki taiz hawa main
dil ka deep jala rakha hai

dhoop se cheron ne dunia main
kiya andhera macha rakha hai

is nagri ke kuch logon ne
dukh ka nam dawa rakha hai

wahda yaar ki bat na chero
yeh dhoka bhi khaa rakha hai

bhool bhi jao beeti batain
in baton main kiya rakha hai

chup chup kiyon rete ho nasir
yeh kiya rog laga rakha hai

Hoti Hai Tere Naam Se Vahashat Kabhii Kabhi

Hoti Hai Tere Naam Se Vahashat Kabhii Kabhi
Bar_Ham Hu_Ii Hai Yuu.N Bhii Tabiiyat Kabhii Kabhi

Ai Dil Kise Nasiib Ye Taufiiq-E-Iztiraab
Milatii Hai Zindagii Me.N Ye Raahat Kabhii Kabhii

Tere Karam Se Ai Alam-E-Husn-E-Aafrii.N
Dil Ban Gayaa Hai Dost Kii Khilvat Kabhii Kabhii

Dil Ko Kahaa.N Nasiib Ye Taufiiq-E-Iztiraab
Milatii Hai Zindagii Me.N Ye Raahat Kabhii Kabhii

Josh-E-Junuu.N Me.N Dard Kii Tugayaaniyo.N Ke Saath
Ashko.N Me.N Dhal Ga_Ii Terii Suurat Kabhii Kabhii

Tere Qariib Rah Ke Bhii Dil Mutama_Iin Na Thaa
Guzarii Hai Mujh Pe Bhii Ye Qayaamat Kabhii Kabhi

Kuchh Apanaa Hosh Thaa Na Tumhaaraa Khayal Thaa
Yuu.N Bhii Guzar Ga_Ii Shab-E-Furqat Kabhii Kabhii

Ai Dost Ham Ne Tark-E-Muhabbat Ke Baavajuud
Mahasuus Kii Hai Terii Zaruurat Kabhii Kabhii

Gaye Dinon Ka Suragh Le Kar, Kidher Se Aaya Kidher Gaya Wo,

Gaye Dinon Ka Suragh Le Kar, Kidher Se Aaya Kidher Gaya Wo,
Ajeeb Manoos Ajnabi Tha, Mujhe To Hairan Kar Gaya Wo,

Bas Ek Halki Jhalk Dikha Kar, Bus Ek Meethi See Dhun Suna Kar,
Sitara E Sham Ban Ke Aaya, Barang E Khewab E Sehar Gaya Wo,

Na Ab Wo Yadon Ka Charhta Drya, Na Fursaton Ki Udas Barkha,
Yunhi Zara Si Kasak Ha Dil Mein Jo Zakhm Gehra Tha Bhr Gaya Wo,

Shikasta Pa Rah Meinn Khara Hoon, Gaye Dinon Ko Bula Raha Hoon
Jo Qafla Mera Hamsafar Tha, Misal E Gard E Safar Gaya Wo,

Hawas Ki Bunyad Par Na Thehra Kisi Bhi Umeed Ka Gharonda,
Chali Zara Si Hawa Mukhalif,Ghubar Ban Ke Bikhar Gaya Wo,

Wo Hijar Ki Rat Ka Sitara,Wo Hamnafs Ham Sukhan Hamara,
Sada Rahe Us Ka Nam Pyara, Suna Hai Ke Rat Mar Gaya Wo,

Mera To Khon Ho Gya Ha Pani, Sitmgarun Ki Palak Na Bheegi
Jo Nala Utha Tha Rat Dil Se,Na Jane Kion Be Asar Gaya Wo,

Wo Jis Ke Shane Pe Hath Rakh Kar Safar Kiya Tu Ne Manzilon Ka
Teri Gali Se Na Jane Kion Aaj Sar Jhukae Guzar Gaya Wo,

Wo Rat Ka Benawa Musafir Wo Tera Shair,Wo Tera Nasir
Teri Gali Tak To Ham Ne Dekha,Phir Na Jane Kidhar Gaya Wo..

Musalsal Bekali Dil Ko Rahi Hai

Musalsal Bekali Dil Ko Rahi Hai
Magar Jine Ki Surat To Rahi Hai

Main Kyun Phirta Hun Tanha Mara Mara
Ye Basti Chain Se Kyon So Rahi Hai

Chal Dil Se Ummidon K Musafir
Ye Nagari Aj Khali Ho Rahi Hai

Na Samjho Tum Ise Shor-E-Baharan
Khizan Patton Main Chup K Ro Rahi Hai

Hamare Ghar Ki Diwaron Pe 'Nasir'
Udasi Bal Khole So Rahi Hai

kiya zamana tha ke hum roz mila karte the

kiya zamana tha ke hum roz mila karte the
rat bhar chand ke hamrah phira karte the

jahan tanhaian se phor ke so jati hain
in makano main ajab log raha karte the

kar dia aaj zamane ne unhain bhi majboor
kabhi yeh log mere dukh ki dawa karte the

daikh ke jo hamain chup chap guzar jata haii
kabhi us shakhas ko hum payar kiya karte the

itafaqat e zamana bhi ajab hai Nasir
aaj wo daikh rahae hain jo suna karte the

Gham hai yaa khushi hai tu , meri zindagi hai tu

Gham hai yaa khushi hai tu

meri zindagi hai tu

aafton ke dour main

chain ki ghari hai tu

meri rat ka charagh

meri neend bhi hai tu

main khizan ki sham hoon

rutt bahar ki hai tu

doston ke darmian

wajah dosti hai tu

meri sari umar main

aik hee kami hai tu

main to wo nai raha

han magar woi hai tu

NASIR is dayar main

kitna ajnabi hai tu