Usne jab jab bhi mujhe dil se pukara mohsin.

Usne jab jab bhi mujhe dil se pukara mohsin.
Me ne tab tab yeh bataya ke tumhara mohsin.

Log sadyon ki khataon pe bhi khush baste hain.
Humko lamhon ki wafaon ne ujara mohsin.

Jab agiya ho ye yaqin ab woh nahin aega.
Gham aur anso ne diya dil ko sahara mohsin.

Woh tha jab pas to jeene ko bhi dil karta tha.
Ab to pal bhar bhi nahin hota guzara mohsin.

Usko pana to muqadar ki lakeron men nahin.
Uska khona bhi karen kaisa gavara mohsin

Wafa mein Ab yeh hunar Ikhtiyaar karna hai..

Wafa mein Ab yeh hunar Ikhtiyaar karna hai..
Woh sach kahay na kahay aaitbaar karna hai..

Yeah tujh ko jaagtay rehnay ka shouq kab say hua ?
Mujhay tu khair tera intazar karna hai

Hawa ki zad mein jalanay hain ansoon k chiraagh
Kabhi yeah jashan sar e rah?guzaar karna hai

woh muskura kay naey waswasoon mein daal gaya
Khayaal tha k ussay sharamsaar karna hai

Misaal e shaakh e barhana khizan ki rut mein kabhi
Khud apnay jisam ko bey barg o baar karna hai

terey firaaq mein din kis tarha kattain apnay
Keh shughal e shab tu sitaray shumaar karna hai

Chalo ye ashak hi moti samajh kay baich aein
Kisi tarha tu humain rooz?gaar karna hai

Kabhi tu dil mein chupay zakham bhi numayaan hoon
Qaba samajh kay badan taar taar karna hai

Khda janey ye koi zid, k shouq hai mohsin
Khud Apni jaan kay dushman say payaar karna hai

thahar jao k hairani to jaye

thahar jao k hairani to jaye
tumhari shakl pahchani to jaye

shab-e-gam tu hi mahman ban k aja
hamare ghar ki wirani to jaye

zara khul kar bhi ro lene do ham ko
k dil ki ag tak pani ho jaye

bala se tor dalo ainon ko
kisi surat ye hairani to jaye

zikr-e-shab-e-firaq se wahashat use bhi thi

zikr-e-shab-e-firaq se wahashat use bhi thi
meri tarah kisi se muhabbat use bhi thi

mujh ko bhi shauq tha naye chehron ki did ka
rasta badal k chalne ki adat use bhi thi

us rat der tak wo raha mahw-e-guftagu
masruf main bhi kam tha faragat use bhi thi

sunata tha wo bhi sab se purani kahaniyan
taza rafaqaton ki zarurat use bhi thi

mujh se bichar k shahar main ghul mil gaya wo shakhs
halanke shahar bhar se raqabat use bhi thi

wo mujh se barh k zabt ka adi tha ji gaya
warna har ek sans qayamat use bhi thi

har ghari raigan guzarti hai

har ghari raigan guzarti hai
zindagi ab kahan guzarti hai

dard ki sham ... dakhit e hijran
soorat e karwan guzarti hai!!

ajab guzarti hain bijlian dil par
subh atish bajan guzarti hai

zakham pehle mehekne lagte the
ab hawa be nishan guzarti hai

apni galion se aman ki khawaish
tan pa orhhe dowan guzarti hai

muskuraya na kar ke Mohsin par
yeh sakhawat garan guzarti hai

Kuch din sy tery saath, koi baat nahi hy

 Kuch din sy tery saath, koi baat nahi hy

Yun lagta hy sadiyoon sy, mulaqat nahi hy....!!
.

Dukh dard sunaao mujhy, har baat bataao.

Ye dil ki khawahish hy, meri baat nahi hy

Jab yaad teri aaye to, aa jaaty hen aansu.....!!
.

Men kesy kahoon, aankh men barsaat nahi hy....!!

Sookhy huye kuch phool hen, aur ashak hen tazaa..

Kuch aur mery paas to, saughat nahi hy..

Waqif hy mery dard sy, sub'ha ka ujalaa..

La'ilm mery gham sy, meri raat nahi hy..
.
Men jiss ki muhabbat men, yun be'haal hon Mohsin..

Wo hanss k ye kehta hy, koi baat nai hy.

Hum Aaj B Hain Soch Mai Doobay Hue Mohsin

Hum Aaj B Hain Soch Mai Doobay Hue Mohsin
Khud Say, Kabhi Dunia Say Hain Roothay Hue "Mohsin"
Denay K Liye Usko, Jo Hum Nay Thay Sambhaalay...
Woh Phool Kitaabon Main Hain Sookhay Hue "Mohsin"
Woh Apni Jafaaon Main Kuch Kami Toh Karain Aaj......
Ik Ummer Hue, Shaher Unhaik Choray Hue "Mohsin"
Hum Nay Ye Kaha Tha Unhain Payaar Hai Humsay...
Hum Aaj Bharii Bazam Mai Jhoothay Hue Mohsin....
Aagosh Mai Unki, Hamain Raahat Jo Mili Hai..
Hum Aaj Ander Say Hain Kuch Tootay Hue "Mohsin

Harf-e-Ranjish Pe koi Baat Bhi ho Sakti hai

Harf-e-Ranjish Pe koi Baat Bhi ho Sakti hai
Ain Mumkin hai Mulaqaat Bhi ho Sakti hai
Zindagi Phool hai Khushbu hai Magar Yaad Rahe
Zindagi Gardash-e-Halaat Bhi ho Sakti hai
Hum Ne ye Soch Ke Rakha Tha Qadam Gulshan Mein
Lala-o-Gul mein Teri Zaat Bhi ho Sakti hai
Chaal Chalte huwe Shtranj ki Baazi ke Usool
Bhool Jao ge tou Phir Maat Bhi ho Sakti hai
Aik tou Chhat ke Bina Ghar hai Hamhara Mohsin
Us pe Ye Khauf Ke Barsaat Bhi ho Sakti hai

Muddat Ke Baad Dekha Use Badla Hua Tha Woh

Muddat Ke Baad Dekha Use Badla Hua Tha Woh
Najane Kiya Hadsa Hua Sehma Hua Tha Woh
Mujhe Dekh Kar Usne Chehra Tou Chupa Lyia
MGR Ankhein Bata Rahi Thi Ke ROOYA Hua Tha Woh
Uski Aankhon Mein Dekh Kar MEHSOOS Hua Mujhe
Meri Tarah Kisi Sooch Mein DOOBA Hua Tha Woh
Uski Sone Jaisi RANGAT Zarad Parh Gayi Thi
Jaise Kissi Ke Pyaar Mein Jalla Hua Tha Woh
Qurbaan Jaon Uss Shakhs Par Main Mohsin
Yaad Mein Jis Ki Khoya Hua Tha Woh.

Lamha Bhar Apna Hawaon Ko Banane Wale,

Lamha Bhar Apna Hawaon Ko Banane Wale,
Ab Na Aayen Gey Palt Kar Kabhi Jane Wale,
Kia Mile Ga Tujhe Bikhre Howe Khwabon K Siwa,
Rait Par Chand Ki Tasveer Banane Wale,
Sab Ne Pehna Tha Bare Shoq Se Kaghaz Ka Libas,
Jis Qadar Log The Barish Mey Nahane Wale,
Mar Gae Hum To Ya Kutbey Pe Lekha Jae Ga,
So Gae Aap Zamane Ko Jagane Wale,
Dar O Dewar Pe Hasrat Si Brasti Hai ''' MOHSIN''
Jane Kis Dais Gaye Piyar Nibhane Waley...!!!

 Thitharti hue shab-e-seyyah aur wo bhi taweel Tar
Mohsin Hijar k maron pe Qayamat hay ye january.

Tar Hue Khoon Main | Love Poetry

Tar Hue Khoon Me'n

Kabhi Khaak Pehn Kar Aaye,

Ham Hamesha Nayi Poshaak Pehn Kar Aaye,

Ek Ajab Rang Se Nikla wo

Sar_e_Raah K Log,

Jism Par

Deeda_e_Bay Baak Pehn Kar Aaye,

Hum Ne Sadiyo'n Ki Hathaili Rakhi Hai'n Aankhe'n,

Koi Lamha Tera Idraak Pehn Kar Aaye,

Saaniha Kon Sa Guzra Hai Saba Se Poocho,

Chand Jhonke Khass 0 Khaashaak Pehn Kar Aaye,

Ashk_e_Shehr_e_Shab_e_Gham Apni Dua Hai K Kabhi,

Misl_e_Khursheed Tu Aflaak Pehn Kar Aaye,

Zakhm Ko Zidd Thi Maseehaai Se Ab K warna,

Harf_e_Marham Kayi Chalaak Pehn Kar Aaye,

Aaj Milna Tha UsSe Zakhm Chupa Kar 'Mohsin'

Hum Magar Jama_e_Sadd Chaak Pehn Kar Aaye 

Tuj Main Or Muj Main Faqat Yehi Faraq Hai Mohsin

Tuj Main Or Muj Main Faqat Yehi Faraq Hai Mohsin
Tera Kuch Kuch Hai Ali,Mera Sab Kuch Hai Ali (AS)

Boseeda Purane Kisi Saaman Mein Rakh De

Boseeda Purane Kisi Saaman Mein Rakh De,
Ya Phir Kisi Toty Howe Guldan Mein Rakh De.

Chahat K Charaghon Ko To Jalna Hy Jalenge,
To In Ko Utha Kar Bhaly Tofan Mein Rakh De.

Qadmon Mein Tere Masly Howe Phool Nhe Han,
Chahat Ki Chitta Hy Kisi Shamshan Mein Rakh De.

Saansein Na Chuka Paai Hon Qemat Jo Wafa Ki,
Ab Jism Ki Matti Ko B Tawan Mein Rakh De.

MOHSIN Tere Jazbat Yahan Kon Sunega,
Be Rabt Khayalat Ko Deewan Mein Rakh De.

Ab koi chand mera hy na sitara mohsin

Ab koi chand mera hy na sitara mohsin
ab kahan jaoun ga mai dard ka mara mohsin

mujh ko tufan my rehny ki bahhut adat hai,
mujh ko lay jao na sahil pe khudara mohsin,

dard ki rah my tum roz chalo gy kub tak?
ab b kar sakty ho tum ham sy kinara mohsin,

aag lag ati ha apnoun k diloun my jis say,
karty q ho wohi baat dobara mohsin,

raat andhery my mery ghar ko jalaya kiss ny,
mujh ko yh kaam bhi lagta hy tumhara mohsin...

Kabhi jo chair gaye yaad-e-raftgaa'n Mohsin

Kabhi jo chair gaye yaad-e-raftgaa'n Mohsin..
Bikher gaye hain nighahien kahan kahan Mohsin..

Hawa ne raakh urdaye to dil ko yaad aya..
Ke jal bhujien mere khawab ki bastiyan Mohsin..

Kuch aisay ghar bhi mile jin mein ghongtoon ke aewaz..
Hoi hain dafn dupatoon mein larkiyan Mohsin..

Khandar hai ahd-e-ghasta, na cho na chair ise..
Khulien to band na hoon iski khirkiyan Mohsin..

Bhujha hai kon sitara ke apni ankh ke sath..
Hoye hain saray manzir dhuwan dhuwan Mohsin..

Nahi ke us ne ghanwaye hain maah-o-saal apne..
Tamam umer katti yoon bhi raigaa'n Mohsin..

Mila to aur bhi taqseem ker gaya mujh ko..
Smaitna thien jise meri kirchiyan Mohsin..

Kahien se us ne bhi torda hai, khud se rabt-e-wafa..
Kahien se bhool gaya mein dastaa'n Mohsin..

Wohi Qissay Hain Wohi Baat Purani Apni

Wohi Qissay Hain Wohi Baat Purani Apni
Kon Suntan Hai Bhala Raam Kahani Apni

Har Sitamgar Ko Yeh Hamdard Samajh Leti Hai
Kitni Khush Feham Hai Kambakht Jawani Apni

Roz Miltey Hein Dareechay Mein Naey Phool Khiley
Chorr Jata Hai Koi Roz Nishani Apni

Tujhse Bichrrey Hein Tou Paya Hai Bayabaa’n Ka Sakoot
Warna Daryao’n Se Milti Thi Rawani Apni

Qeht-E-Pindaar Ka Mosam Hai Sunehray Logo
Kuch Taiz Karo Ab K Giraani Apni

Dushmano Se He Ab  Gham-E-Dil Ka Madava Mangey
Doston Ne Tou Koi Baat Na Maani Apni

Aaj Phir Chaand Ufaq Par Nahi Ubhra Mohsin
Aaj Phir Raat Na Guzrey Gi Suhani Apni.

Wohi Aankhen Hen | Mohsin Naqvi

Wohi Aankhen Hen,

Jin Me Zindgi Ne Khaab Likhay Thay,

.

Wohi Palken Hen Jin Per,

Mere Honton Ki Shuaaon Ne,

Chuni Thi Kehkishaan Aksar,

.

Wohi Lab,

Jin Se Lafzon K Sitaare Toot Kar,

.

Meri Ghazal Me Saans Letay Thay,

.

Wohi Chehra,

Jo Harf_o_Saut K Daayiry Me,

Markazi Nuqta,

.

Wohi Gardan,

K Jis Me Aqqd_e_Marjaan,

.

Aaeena_Bandi Ka Khumeyaza,

.

Wohi Baazu,

Jinhen Mere Badan Ka Lams Aksar,

Be_Karaan Chahat Ki Rut Se,

Aashna Karta,

.

Wohi Sab Kuch?

Mgr Ik Farq Wazeh He,

K Ab Uski Tabiyat Me Samandr Ka Tamawaj He,

.

Wohi Sab Kuch,

Mgr Ab Is Tarah Lagta He Jaisy,

K Ham Me Na_Deeda Faseelen Khich Gayin Khud Se,

.

Kabi Meri Mohabat Se Atti Mahtab Ki Raten,

Ghani Raten,

Ab Usay Achi Nahi Lagtin,

.

Kabi Be_Rabt_o_Be_Khaahish Mulaqaten,

Usay Achi Nahi Lagtin,

.

Wohi Sab Kuch Sahi Leqin,

Ab Aisa He

Meri Baten,

Usay Achi Nahi Lagtin"

Faqat Khwabon Se He Nahi Milta Sukoon Sone Ka 'Mohsin

Faqat Khwabon Se He Nahi Milta Sukoon Sone Ka 'Mohsin.'

Kisi Ki Yaad Main Raat Bhar Jagne Ka Bhi Apna Maza Hai..

Dard Se Beniaz Hone De | Mohsin Naqvi

Dard Se Beniaz Hone De

Ay Shab-E-HIJAR Kuch To Sone De,

Rukhsat Ay Habs-E-Sham-E-Zabat-E-Junoon,

Rone Walon Ko Khul K Rone De,

Aaj Ik Sar Khuroo Se Milna Hai,

Aaj Aankhein Lahoo Se Dhone De,

Kash Koi Hamein Bhi Ashak Apne,

Sans K Tar Mein Prone De,

Fasal-E-Yakh Bastagi Mein Jeena Hai,

Paniyon Mein Sharar Bone De,

Kuch To Soch Apne Hall Par MOHSIN,

Khud Ko Youn Raigan Na Hone De