Meri aankhein salamat hain

Meri aankhein salamat hain,
Mera dil mere seene mein dhadakta hai,
Mujhe mehsoos hota hai..
Mohabbat kam nahi hogi.

Mohabbat ek wada hai..
Jo sachai ki undekhe kisi saat mein hota hai,
Kisi rahat mein hota hai.
Ye wada shayari ban ke mere jazbon mein dhulta hai.
Mujhe mehsoos hota hai..
Mohabbat kam nahi hogi.

Mohabbat ek mousam hai,
Ki jis mein khwaab ugte hain toh,
Khwabon ki hari shakhein..
Gulaabon ko bulaati hain,
Unhein khushboo banati hain.
Ye khushboo jab
Humaari khidkiyon mein dastakien de kar guzrti hain
Mujhe mehsoos hota hai..
Mohabbat kam nahi hogi…!!

Wohi Aankhen Hen | Mohsin Naqvi

Wohi Aankhen Hen,

Jin Me Zindgi Ne Khaab Likhay Thay,

.

Wohi Palken Hen Jin Per,

Mere Honton Ki Shuaaon Ne,

Chuni Thi Kehkishaan Aksar,

.

Wohi Lab,

Jin Se Lafzon K Sitaare Toot Kar,

.

Meri Ghazal Me Saans Letay Thay,

.

Wohi Chehra,

Jo Harf_o_Saut K Daayiry Me,

Markazi Nuqta,

.

Wohi Gardan,

K Jis Me Aqqd_e_Marjaan,

.

Aaeena_Bandi Ka Khumeyaza,

.

Wohi Baazu,

Jinhen Mere Badan Ka Lams Aksar,

Be_Karaan Chahat Ki Rut Se,

Aashna Karta,

.

Wohi Sab Kuch?

Mgr Ik Farq Wazeh He,

K Ab Uski Tabiyat Me Samandr Ka Tamawaj He,

.

Wohi Sab Kuch,

Mgr Ab Is Tarah Lagta He Jaisy,

K Ham Me Na_Deeda Faseelen Khich Gayin Khud Se,

.

Kabi Meri Mohabat Se Atti Mahtab Ki Raten,

Ghani Raten,

Ab Usay Achi Nahi Lagtin,

.

Kabi Be_Rabt_o_Be_Khaahish Mulaqaten,

Usay Achi Nahi Lagtin,

.

Wohi Sab Kuch Sahi Leqin,

Ab Aisa He

Meri Baten,

Usay Achi Nahi Lagtin"

Har Ghari Dard Ki Shiddat Se Sisakti Aankhain

Har Ghari Dard Ki Shiddat Se Sisakti Aankhain
Or Uper Se Tere Wasl K Khwabon K Azab.

Rooz Aangan Mein Khare Perr Se Girte Patte.
Aur Sar-e-Sham Parindo'n Pe Guzarti Aafaat.

Nabz Aur Dil Ki Baghawat Se Tarapti Hai Hayat.
Iss Bhare Shehr Mein Barhta Hua Logon Ka Qehat.

Roz Hoti Hay Mere Sath Deewaron Ki Jharrap.
Rooz Ek Sans Ko Phansi Ki Saza Milti Hai.

Ab Aa Ja K Tery Hijar K Qaidi Ko Yahan.
Roz Iss Shehar Main Marnee Ki Dua Milti Hai.