koi aansoo tere daman par gira kar

apne honton pa sajana chata hoon
aa tuje main gungunana chata hoon

koi aansoo tere daman par gira kar
bond ko moti banana chata hoon

bar gai is had tak be aitmadi
tuj ko bhi tuj se chupana chata hoon

thak gaya main karte karte yaad tuj ko
ab tuje main yaad ana chata hoon

is liey ki hai tarap ki tamana
raqas karne ka bahana chata hoon

aakhri hichki tere zanon par aye
mout bhi main shairana chata hoon

chaa raha hai sari basti pa andhera
roshni ko ghar jalana chata hoon

phool se peker to nikle be murawat
pathron ko bhi azmana chata hoon

reh gai thi kuj kami ruswaion main
phir QATEEL us dar pa jana chata hoon

sab tumare lieye | Love Poetry By Amjad Islam Amjad

sab tumare lieye
jan e jan yeh jahan , yeh zameen aasman
ye mere rat din . khak hain tere bin
yeh meri zindagi, dosti dushmani
raste, waste, sab tumare lieye
sab tumare lieye'
tum jo daikho to mere  shab o roz ko
koi matlab miley
tum jo poocho to mere har ik harf ko
koi rutba miley
tum jo socho mere waste kuj bhi
main sitaron ko muthi main bar laonga
tum agar aik din muj ko awaz do
main jahan par bhi hoon, lot aoga
yeh mere jism o jan mere sher o sukhan
meri tanhaiyan
bazam araian

ab tumare liey
sab tumare lieye

amjad islam amjad

My English Poetry

My English Poetry

Main Or Meri Tanhai , akser yeh batain karte hain

Main Or Meri Tanhai

main or meri tanhai

akser yeh batain karte hain

tum hoti to kesa hota

tum yeh kehtin tum wo kehtin

tum is bat pa heran hotin

tum is bat pa kitna hanstin

tum hoti to aisa hota, tum hoti to wesa hota

main or meri tanhai akser yeh batain kerte hain

yeh rat hai ya tumari zulfain khuli hui

hai chandni ya tumari nazron se meri ratain dhuli hui hain

yeh chand hai ya tumara kangan

sitare hain ya tumara anchal

hawa ka jhonka hai ya tumare badan ki khushboo

yeh pation ki hai sarsarahat . ya tum ne chupke se kuch kaha hai

yeh sochta hoon main kab se gum sum

ke jabke mujko khabar hai . ke tum nai ho

kaheen nai ho

magar ye dil keh raha hai

ke tum yaheen ho yaheen kaheen ho

majbori halat idar b hain udar bhi

tanhai ki aik rat idar bhi hai udar bhi

kehne ko bohot kuch hai magar kis se kahain

kab tak youn hee khamosh rahain or sahain

dil kehta hai dunia ki har rasam utha dain hum

deewar jo hum dono main hi aj gira dain hum

kiyon dil main sulagte rahain hum logon ko bata dain

han han hum ko muhabbat hai, muhabbat hai, muhabbat

ab dil main yahi bat idar bhi hai udar bhi

Gham hai yaa khushi hai tu , meri zindagi hai tu

Gham hai yaa khushi hai tu

meri zindagi hai tu

aafton ke dour main

chain ki ghari hai tu

meri rat ka charagh

meri neend bhi hai tu

main khizan ki sham hoon

rutt bahar ki hai tu

doston ke darmian

wajah dosti hai tu

meri sari umar main

aik hee kami hai tu

main to wo nai raha

han magar woi hai tu

NASIR is dayar main

kitna ajnabi hai tu