Shaheed-E-Mohabbat Na Kafir Na Ghazi,

Shaheed-E-Mohabbat Na Kafir Na Ghazi,
Mohabbat Ki Rasmain Na Turki Na Taazi,

Wo Kuch Aur Shay Hai Mohabbat Nahi Hai,
Sikhati Hai Jo Ghaznavi Ko Ayazi,

Ye Johar Ka Agar Farma Nahi Hai,
To Hain Ilm-O-Hikmat Faqt Sheesha Sazi,

Na Mohtaj-E-Sultan Na Maraoob-E-Sultan,
Mohabbat Hai Azadi-O-Be'niyazi,

Mera Fuqar Behtar Hai Sikandari Se,
Ye Adam Gari Hai Wo Aaina Saazi.

Thokar Lagi To MuQaddar Pe Ja Gira,,

Thokar Lagi To MuQaddar Pe Ja Gira,,
Phir Huwa yoon Aaina Pathar Pe Ja Gira,,

Ehsaas e Farz Jab Bhi Huwa Neend Aagai,,
Chalna Tha Pul e Sirat Pe Bistar Pe Ja Gira,,

Bazi Muhabatoon Ki Jahalat Ne Jeet Li,,
Wo Ban Gaya Khateeb Jo Nunabar Pe Ja Gira,,

Khushbo Qusoor War Nahi Usey Chor Do,,
Main Phool Tor'ta Hua Kantoon Pe Ja Gira,,

Saharoon Mein Liye Phira ?IQBAL? Pani Ki Justajo,,
Jab Pyaas Marr Gayi To Samundar Pe Ja Gira

Hum Se Sari Umar Yehi Ghaltiyaa'n Hoti Rahi "IQBAL"

Hum Se Sari Umar Yehi Ghaltiyaa'n Hoti Rahi "IQBAL"

Dhool Chehre Par Thi Or Hum Aina Saaf Karte Rahe…

Tum Ne Dil Ki Baat Keh Di Aaj Ye Acha Huwa

Tum Ne Dil Ki Baat Keh Di Aaj Ye Acha Huwa
Hum Tumhein Apna Samjhtey Thay Bara Dhoka Huwa

Jab Bhi Hum Ne Kuch Kaha, Us Ka Asar Ulta Huwa
Aap Shaayad Bhooltey Hain, Bar-Ha Aisa Huwa

Aur Hum Karte Bhi Kiya Tark-e-Taalluq K Siwa
Hum Ko Khud Hairat Hai, Ye Baithey Bethay Kiya Huwa

Ab Bhi Baaqi Hai Tumhaarey Dil Mein Thorra Sa Khaloos
Is Se Pehley Bhi Humain Aksar Yehi Dhoka Huwa

Aap Ki Aankhoon Main Ye Aansoo Kahaan Se Aa Gai
Hum To Dewaane Hain Lekin Aap Ko Ye Kiya Huwa

Is Shikr-Runji Se Kiya Hasil Huwa Khud Sochiye
Aap Bhi Ruswa Huwe, Na-Cheez Bhi Ruswa Huwa

Ab Kisi Se Kiya Kahain IQbaal Apni Dastaan
Bus Khuda Ka Shukar Hai Jo Kuch Huwa Acha Huwa
......

Jis simt bhi dekhoon nazar aata hai ke tum ho

Jis simt bhi dekhooN nazar aata hai ke tum ho
Ae jaan-e-jahaaN ye koi tum saa hai ke tum ho
Yeh khwaab hai, khushboo hai, ke jhoNka hai, ke pal hai
Yeh dhuNd hai, baadal hai, ke saayaa hai, ke tum ho
Is deed ki sahAat main kaiye rang hain larzaaN
Mein hooN ke koi aur hai duniya hai ke tum ho
DekhO yeh kisi aur ki aankhAin hain ke meri
DekhooN yeh kisi aur ka chehra hai ke tum ho
Yeh umr-e-gurezaaN kahin tahre to yeh jaanooN
Har saaNs main mujh ko yeh lag ta hai ke tum ho
Har bazm main mauzoo-e- suKhan dil zadgaaN ka
Ab kaun hai Shireen hai ke Laila hai ke tum ho
Ik dard ka phaila huA sahara hai ke mein hooN
Ik mauj main aaya huAa dariya hai ke tum ho
Woh waqt na aaiye ke dil-e-zaar bhi sochai
Is shehar main tanha koi hum sa hai ke tum ho
Aabaad hum aashufta sarOn se nahin maqtal
Yeh rasM abhi shehar main zinda hai ke tum ho
Ae jaan-e-’Faraz’ itni bhi taufeeq kise thi
Hum ko ghum-e-hasti bhi gawaara hai ke tum ho
...................